رغم الظروف الصعبة اللي سببتها جائحة "كورونا" لعالمنا، إلا إن المصريين لسة عندهم القدرة على الفرح وتحدي كل الظروف المؤلمة، وعلشان كدة قررت مصر الاحتفال رسميًا ببداية سنة جديدة من خلال تنفيذ احتفال ضخم على كوبري "تحيا مصر".

هدف الحفل الضخم اللي هتقدمه الشركة المتحدة للخدمات الإعلامية، هو إرسال رسالة للعالم كله إن مصر دولة قوية ومستقرة وشعبها بيحب الفن والإبداع، الحفل اللي بيحصل لأول مرة في مصر هيضم عروض فنية مبهرة وألعاب نارية وعد تنازلي للسنة الجديدة زي اللي بيحصل في أهم مدن العالم ومنها: باريس، نيويورك، سيدني، لندن، دبي، وغيرهم، والشركة المتحدة هتعرضه في بث موحد على قنواتها المختلفة علشان كل المصريين يشوفوه من غير ما ينزلوا من البيت أو يعرضوا نفسهم لخطر "كورونا".

"المتحدة" أكدت إنها هتواظب على الاحتفال ده كل سنة، وكمان بتعت من خلاله رسالة شكر وعرفان للشعب المصري، اللي نجح بالعمل في إنه يخلي مصر تكون الدولة الوحيدة في الشرق الأوسط اللي تحقق نمو اقتصادي إيجابي في ظل جائحة كورونا وتبقى من ضمن الدول الناشئة الناجحة اقتصاديًا في العالم لسنة 2020، رغم تراجع اقتصاد أكبر الدول.