في إطار الاستعدادات لعودة النشاط السياحي من جديد في أول يوليو 2020، نشرت هيئة تنشيط السياحة "Experience Egypt"، فيديو بعنوان "A Tourist’s Journey in Egypt".

الفيديو هو جزء حملة دعائية بعنوان "Same Great Feeling"، أطلقتها وزارة السياحة والآثار، للترويج للنشاط السياحي في مصر. وفي المرحلة الأولى منها، بيتم الترويج من خلال منصات السوشيال ميديا. الحملة بتستهدف السياحة الوافدة الرئيسية لمصر في دول الخليج العربي، آسيا، وأوروبا بما فيها ألمانيا، إيطاليا، التشيك، وأوكرانيا. كمان هيتم نشر الفيديو من خلال عدد من القنوات العربية والدولية، زي CNN وقناة Discovery.

وظهر خلال الفيديو، كل الاستعدادات والتدابير اللي اتخذتها مصر لاستقبال السائحين مرة تانية. بالإضافة للمزايا اللي هيتمتع بها السائحين خلال إقامتهم الفنادق، ومدى التنوع والتميز اللي بتتمتع به مصر، كمقصد السياحي من القاهرة لأسوان. والهدف منه الوصول للجمهور العربي والدولي، علشان يعرفوا استعدادات مصر لاستقبال السياح من جديد. ويتأكدوا إن إقامتهم هتكون ممتعة وآمنة 100%