في العادي اتعودنا نشوف دويتوهات غنائية بين نجوم الغناء، لكن اللي مش عادي إننا المرة دي هنستمتع بتجربة غناء مختلفة، بتجمع ممثل ناجح مع مطرب مميز، والاثنين شعبيتهم مالهاش حدود. بنتكلم عن آسر ياسين وتامر حسني اللي انتهوا بالفعل من تسجيل أغنية راب جديدة من المقرر تصويرها كـ "فيديو كليب" خلال الأيام الجاية.

وخلال لقائه مع برنامج "يحدث في مصر"، كشف "آسر" كواليس الغنوة الجديدة وقاله إنه هو اللي اقترح الفكرة على تامر حسني، والأخير رحب جدًا واقترح كمان يتعاونوا مع بعض في فيلم جديد.

ووصف آسر الأغنية بإنها "خطيرة في حلاوتها"، وقال عن تجربته مع تامر حسني: "إحنا في بينا كمياء ولطافة أعتقد هتعجب جزء كبير من الجمهور".

"آسر"عبر عن سعادته الكبيرة بالتجربة الجديدة، ووصفها بإنها مغامرة بالنسبة له.