بدأ الفنان محمد هنيدي، تصوير حلقات برنامجه الجديد "عالم هنيدي"، واللي هيتم عرضه على واحدة من شاشات القنوات الفضائية، خلال الفترة الجاية.
 
البرنامج بيتكلم كل حلقة عن فيلم أو مسرحية، من أعمال "هنيدي" الناجحة واللي استمرت على الساحة الفنية فترة طويلة، وبيستضيف خلالها نجوم العمل وصناعه، وبيستعيد معاهم ذكريات كواليس التصوير.
 
"هنيدي" قال إنه كان خايف وقلقان من ظهوره كمذيع، لإنه ساعات بيتكسف أصلًا يظهر كضيف في البرامج التليفزيونية، والسبب ده خلى شركة الإنتاج تفكر في إن البرنامج يضم أعماله وكواليسها، علشان يتحمس أكتر للفكرة.
 
لحد دلوقتي تم تصوير 10 حلقات اتكلم فيهم هنيدي عن أهم أفلامه ومسرحياته، قام بإخراجهم أكرم فاروق.
 
في انتظار برنامجك يا هنيدي!