أكيد بعد يوم شغل طويل، مليان مشاوير وزحمة ودوشة ، بتبقى عايز تروح البيت وتفصل من كل حاجة حواليك. ترمي نفسك كده على الكنبة مع كوباية الكاكاو الرايقة، وتتفرج على فيلم ولا مسلسل. وعلشان الرحرحة تكمل صح، لازم القعدة تبقى صح. وهنا ييجي دور "أنتخ".

"أنتخ" شركة بتقدم لك كل أنواع الأثاث البديل، اللي ممكن تحتاجه في بيتك أو حتى شغلك. زي البين باجز، الكنب، ريكلاينرز (كراسي بتتفرد). وغيرهم من القطع اللي بتحتاجها علشان تأنتخ، وتاخد راحتك على الآخر وانت قاعد. الشركة اتأسست في 2011، ولحد النهارده بتقدم كل المنتجات المصرية بأجود المقاييس العالمية.

لو بتفكر في التصميمات والألوان، ماتقلقش. عندهم هتلاقي تصميمات متنوعة بألوان كتيرة، بتناسب أي بيت. ومهما كان ذوقك، هتلاقي اللي بتدور عليه.

مش بس كده، هتلاقي عندهم المنتجات مصنوعة من مواد مختلفة، زي القطن والجلد، وفي منها الووتر بروف. وطبعًا بأحجام مختلفة. كمان تقدر تطلب منهم الأثاث حسب الشكل والتصميم اللي انت عايزه.

لو زهقان من الأثاث اللي عندك، وعايز تغير لحاجة مريحة وشكلها حلو، في "أنتخ" هتلاقي اللي بتدور عليه بالظبط. محلاتهم موجودة في الدقي والمعادي، ودلوقتي فتحوا فرع جديد في المهندسين. تقدروا تعرفوا عنهم أكتر وبالتفصيل من خلال صفحتهم على فيسبوك هنا.