في ديسمبر اللي فات، ظهر فيروس خطير اسمه "كورونا"، في مدينة ووهان الصينية. الفيروس انتشر بشكل كبير، واتسبب في حالات وفاة كتيرة. ولحد دلوقتي ماتمش اكتشاف علاج نهائي له. وبدأت أعراضه تظهر بعد كده في بلاد تانية.

أعراض الفيروس هي: صعوبة التنفس - الحمى - الكحة. وفي الحالات الحرجة بتوصل لالتهاب رئوي وفشل كلوي. بلاد كتيرة منهم مصر، رفعت حالة الاستعداد القصوى، علشان تمنع دخول الفيروس عندها. ودي أهم النصائح لتجنب الإصابة:

- ابعد عن الأماكن الزحمة.

- تفادي الاقتراب من أي حد تظهر عليه أعراض الأمراض التنفسية (العطس - الكحة - إلخ).

- الابتعاد عن التقبيل والمصافحة بالإيد قدر الإمكان.

- اهتم بغسل ايدك بالماء والصابون المطهر باستمرار.

- قلل من لمس العين والأنف كتير بدون غسل الإيدين.

- استخدم المنتجات الحيوانية المجهزة بشكل سليم.