مع قرب عيد الأضحى، بتبدأ الناس في اختيار الأضاحي بتاعتها. لكن المرة دي الاحتياط لازم يكون مضاعف، بحكم انتشار فيروس كورونا. فلازم ناخد كل الإجراءات الاحترازية في اختيار الضحية، علشان نضمن سلامتنا وسلامة أهلنا. وحسب ما نشر "مصراوي"، فالإجراءات الاحترازية هي:

1- اصطحاب طبيب بيطري لإجراء الكشف الطبي والظاهري عليها، للتأكد من خلوها من جميع الأمراض.

2- الإجراءات الاحترازية في التعامل مع الأسطح، هي نفسها اللي يتم تطبيقها مع الأضحية. وارد جدًا يكون شخص مصاب لمس الأضحية قبلنا.

3- تعقيم الأضحية بحذر بدون لمسها، لضمان عدم انتقال العدوى من خلال بقاء الفيروس على سطح جسمها.

4- المجازر في العيد بتكون في حالة طواريء، بسبب أعداد المضحين. فضروري اختيار المجزر اللي بياخد كل الإجراءات الوقائية قبل الذبح.

5- ضروري نلبس الجوانتي أثناء التعامل مع اللحوم، وغسل الأيدي بالمياه والصابون باستمرار.

6- اتخاذ كل الإجراءات خلال توزيع الأضاحي. وأي حد يتسلم لحوم لازم يتخلص من الكيس اللي جت فيه.

 

أما عن كيفية اختيار الأضحية:

1- الابتعاد عن الخراف اللي فروها كثيف، لإنها بتخدع المشتري إن لحمها كتير. ممكن كشف ده بسهولة عن طريق "بيت الكلاوي"، لازم يكون مليان مش فاضي.

2- الوزن المثالي للخروف بيكون بين 50 لـ 60 كيلو. وأفضل سن بيكون من سنة ونص لسنتين، لأن اللحم بيكون أفضل في الطهي ومش بياخد وقت.

ممكن التعرف على سن الخروف من أسنانه: لو متساوية فهو صغير - لو عنده "جوزين" كبار في الأمام يبقى في سن الرشد المناسب للشراء - لو أسنانه كلها كبيرة يبقى عجوز، وُيفضل عدم شرائه لإنخفاض جودة لحمه.

3- الضغط على جانبي بطن الخروف، للتأكد إذا كانت مليانة أو لأ. لأن الملح بيسبب امتلاء غير طبيعي، وده يعتبر غش من البائع.

4- التأكد أن الأضحية خالية من أي عيوب شرعية. ماتكونش مريضة، عوراء، عرجاء، كبيرة أو هزيلة.