إمبارح اجتمع الرئيس التنفيذي لمجموعة فودافون العالمية، نيكولاس ريد، برئيس الوزراء المهندس مصطفى مدبولي. لإخطار الحكومة المصرية بأن شركة فودافون العالمية، هتوقع مذكرة تفاهم مع شركة الاتصالات السعودية STC. لاحتمال بيع حصة فودافون العالمية في مصر. واللي تقدر بحوالي 55% .

وحسب ما نشر "أخبار اليوم، القرار مرتبط باستراتيجية الشركة لتركيز استثماراتها. واللي بيفسر خروج الشركة مؤخرا من كتير من الأسواق الرئيسية.

وأكد "ريد" إن مصر كانت وهتفضل من أفضل الأسواق اللي اشتغلت فيها الشركة. بدليل أن فودافون هتستمر في تقديم خدماتها التانية في مصر، زي مراكز البيانات ومراكز التميز. اللي من المقرر إن الشركة تزود الاستثمارات والعمالة بها في الفترة الجاية. بجانب استمرار تعاقدات فودافون العالمية في منظومة التأمين الصحي الشامل.

جدير بالذكر أن فودافون مصر هتعقد مؤتمر صحفي النهارده، هتكشف فيه تفاصيل الصفقة مع STC السعودية. وخطوات الاستحواذ على حصة فودافون العالمية في فودافون مصر.