أعلنت هيئة الأرصاد الجوية إن موجة الحر اللي بتشهدها البلاد النهارده، الأحد،هتفضل مستمرة لحد يوم الخميس. وتبدأ في الانكسار يوم الجمعة.

درجات الحرارة خلال الأسبوع الجاري هتتراوح بين 42 و 43 درجة مئوية. والسبب في ده هو كتلة هوائية ساخنة جاية من السودان، هتأثر على محافظات شمال وجنوب الصعيد بشكل كبير.

وبتطالب هيئة الأرصاد المواطنين، بعدم التعرض المباشر لأشعة الشمس خلال ساعات النهار. خاصة الفترة دي وإحنا صايمين.

ودي درجات الحرارة المتوقعة في القاهرة:

النهارده الأحد: العظمى 42 والصغرى 24

الاثنين: العظمى 41  والصغرى 25

الثلاثاء: العظمى 42  والصغرى 25

الأربعاء: العظمى 43 والصغرى 27

الخميس: العظمى 42 والصغرى 22