زي أي حد، حضرتك صحيت الأسبوع اللي فات، لقيت رسالة عندك بلعبة Thug Life. غلطت ودوست عليها علشان تشوف إيه نظامها، ومن ساعتها هاتك يا مسدجات بتجيلك من كل أصحابك اللي بيلعبوها. لو زهقت منها وجبت آخرك، إحنا هنقولك إزاي تقفلها تمامًا. وتقدر تقفل أي لعبة غيرها بتجيلك عن طريق الماسنجر. الخطوات بسيطة:
- هتدوس على علامة الـ 3 خطوط اللي فوق على اليمين في موبايلك.
- اختار Settings.
- انزل لحد ما تلاقي Instant Games.
- هتلاقي لعبة Thug Life وجنبها دايرة فاضية.
- علِم على الدايرة واضغط Remove.
وبكده ألف مبروك مش هتشوف اللعبة تاني.
