لو مقضي صيفك في الساحل، فانت أكيد جربت الفول والطعمية من عند "الكينج". الطعم حكاية مايتوصفش، وكمان صاحب المطعم طلعت حكايته أجمل حكاية.

روحنا وقابلنا عم أحمد ودردشنا معاه شوية، قولنا نعرف أكتر عن حياته. اسمه بالكامل أحمد سيد محمد، من بني سويف. وبيشتغل في الساحل من سنة 2006.

القصة بدأت لما راح الساحل من أصحابه علشان يشتغلوا في مطعم. لكن بعد فترة انفصلوا عن بعض، وقرر وقتها إنه يكمل شغله لوحده ويعتمد على نفسه. وبدأ مشواره مع "الكينج".

ووسط الكلام عرفنا كمان إنه موهوب بالكتابة والرسم. هواية الرسم اتولد بيها وفضل يطورها لحد ما بدأ يلعب رياضة. وشغلته شوية عن الاهتمام بيها. أما الكتابة فبدأت معاه خلال فترة الجيش. ودايمًا بيحب يعبر عن اللي جواه لو زعلان أو فرحان، أو عن أي حاجة يحسها.

عم أحمد عنده 40 سنة، وربنا كرمه ببنتين وولد هم كل ثروته اللي عايش عشانها. هو سعيد باللي وصله في حياته وحاسس بالاستقرار مع أسرته.

"الكينج" له فرعين في الساحل الشمالي. واحد في الكيلو 79 قرية المنتزه، والتاني في الكيلو 56 قرية روزانا. جربوه هتنبسطوا.

رقم التليفون:  01090747400