العيد السنة غير العيد السنة اللي فاتت خالص، يعني هنشم نفسنا شوية ونخرج وننبسط، ونحضر حفلات النجوم، بعد ما كنا بنشوفها أونلاين، علشان كده في كلام القاهرة جمعنا لكم أهم حفلات عيد الأضحى، تعالوا نعرفها مع بعض:

تامر حسني

نجم الجيل تامر حسني، هيحتفل بالعيد مع جمهوره في مدينة العلمين، يوم 21 يوليو ثاني أيام عيد الأضحى. التفاصيل هتلاقوها هنا.

وائل جسار- أمينة- محمود الليثي

الفنان وائل جسار، هيحيي حفلتين خلال أيام العيد، الأولى في مدينة العلمين- مع أمينة ومحمود الليثي، ضمن فعاليات مهرجان العلمين الموسيقي، يوم 21 يوليو، التفاصيل هنا.

والحفلة الثانية في إسكندرية يوم 22 يوليو، ضمن مهرجان الصيف، والتفاصيل من هنا.

مدحت صالح

الفنان الكبير مدحت صالح هيحيي حفل عيد الأضحى، على مسرح القاعة الكبرى بمكتبة الإسكندرية، يوم 24 يوليو. التفاصيل هنا.

مسار إجباري

على مسرح الزمالك، هيحتفل فريق مسار إجباري بالعيد، يوم 21 يوليو، التفاصيل هنا.

وطبعًا زي ما كلنا عارفين .. مننساش الكمامة والكحول ونحافظ على المسافات الآمنة.