نشر الإعلامي شريف مدكور فيديو من خلال حسابه على فيسبوك، أعلن فيه إصابته بفيروس في الدم، جاله نتيجة ضعف مناعته بسبب العلاج الكيماوي. وقال إنه كان المفروض ماينزلش الشغل ولا يتعامل مع الناس، لكنه للأسف عمل ده وجاله الفيروس.  

ووضح شريف إن بقاله أكتر من شهر حرارته 39 درجة ونص، ده غير إن مناعته ضعيفة بسبب الكيماوي. لكنه الفترة الجاية هيبدأ يهتم بكل الإرشادات الطبية.

شريف طمن جمهوره على صحته وأكد إنه بخير، وهيقدر يعدي الأزمة. ونصح كل مرضى السرطان إنهم لازم يهتموا بكل النصائح الطبية اللازمة. وفي آخر الفيديو طلب رأي المتابعين، وسألهم بكل خفة دم "قولوا لي أسيب دقني ولا أشيلها".

ألف سلامة عليك يا شريف، يا رب تقوم لنا بالسلامة.