من ساعات قليلة، أعلن المحامي أشرف فرحات، القبض على الـ "تيك توكر" إبراهيم مالك على خلفية تقدمه ببلاغ ضده للنائب العام، بتهمه التحريض على نشر الفسق والفجور على "تيك توك".

فلو كنت قابلت كوميك عليه ومش عارف هو مين؟ تعالى نقولك:

1- محتوى إبراهيم مالك عبارة عن "لايف" مع بنات، الغرض منها البحث عن شريكة حياته.

2- إبراهيم دايمًا بيسأل البنات اللي بتدخل معاه "اللايف"، سؤال مهم بالنسبة له وهو "بتعرفي ترقصي شرقي"؟

3- معظم فيديوهات إبراهيم مالك كانت مع بنات وسيدات من دول عربية مختلفة، وكان بيدخل معاهم في تحديات.

4-ريأكشنات إبراهيم وطلباته من البنات، استفزت المتابعين واتسببت في غضبهم، واتحول لمادة للسخرية على السوشيال ميديا.

5- "عازب لسة ومتجوزتش مين ترضى بيا؟".. جملة شهيرة من ضمن جمل كتير كان بيقولها إبراهيم على تيك توك.