في الساعات الأخيرة، تصدر الرابر مروان بابلو تريند محركات البحث ومواقع التواصل الاجتماعي، وده بعد طرح تراك جديد اسمه "غابة" على قناته الرسمية بموقع يوتيوب.

مش بس كده قدر كمان "بابلو" يحقق بالتراك الأخير رقم مشاهدة قياسي، كسر المليون مشاهدة لحد اللحظة دي على يوتيوب، بعد ساعات قليلة من طرح التراك.

جمهور الراب والهيب هوب، عارفين إن "بابلو" قرر اعتزال المزيكا نهائيًا في شهر مارس اللي فات، وبدون مقدمات كان أعلن ده في ستوري على إنستجرام، وطلب من متابيعه إنهم ميحاولوش يرجعوه عن قراره، ووضح وقتها إنه وقف غناء وحفلات بشكل نهائي، لكن واضح كده إنه ماقدرش يصمد كتير و"عاد لينتقم".

تقدروا تتفرجوا على تراك "الغابة"، من هنا.