أعلنت "قمة صوت مصر" اعتزامها إطلاق حوارات (صوت مصر- تغيير الواقع) Narrative Summit-Reshaping Norms ، من خلال منصاتها على مواقع التواصل الاجتماعي. واللي بيطرح فيها مجموعة من الخبراء والمتخصصين، تأثير أزمة انتشار فيروس Covid -19 على العالم. وإزاي الأزمة دي هترسم مسارات واقع ومستقبل مختلف، في المجالات الاقتصادية والاجتماعية والتكنولوجية في مصر والعالم.
أول حلقة من حوارات "صوت مصر- تغيير الواقع" بدأت باستضافة الدكتور محمود محيي الدين - المبعوث الخاص للأمين العام للأمم المتحدة لشؤون التنمية المستدامة - واللي تناول في حديثه الآثار الاقتصادية لأزمة كورونا، على مستقبل المشروعات المتوسطة والصغيرة. وإزاي الأزمة بتدعم ظهور أفكار مبتكرة في المجالات الصناعية.
كمان بيشارك في حوارات "صوت مصر – تغيير الواقع" وسيم الطناحي، المدير التنفيذي لشركة ميديا ريبابليك، ومدير تحرير موقع (cairo360).
في تصريح للإعلامية لمياء كامل، مؤسس قمة صوت مصر، قالت: "مفيش شك إن أزمة انتشار فيروس كورونا هزت العالم كله خلال فترة قصيرة جدًا. ولما طرحنا في "قمة صوت مصر.. صحوة العقول" في 2019، فكرة سيطرة التحول الرقمي على كل حاجة وإنه هيغير شكل العالم، توقعنا إنه ده يحصل في سنين. لكن الأزمة دي خليتنا نعيش التغيير في شهور قليلة. والتغيير ده أثّر على حياتنا، عاداتنا الاجتماعية، وطبعًا الأوضاع الاقتصادية. والتأثير الأكبر كان على المستوى التكنولوجي، وكيفية تعاملنا مع التطبيقات المختلفة. وفى غمضة عين، بقينا عايشين النهارده اللي كنا فاكرينه هيحصل في سنين".
وأضافت "كامل": "صوت مصر بدأت من 2016. وعلى مدار الأربع دورات اللي عقدناها، تناولنا الهوية الوطنية وتسليط الضوء على إيجابيات الدولة المصرية. وكانت عينينا دايمًا على التحولات الرقمية اللي هتحصل في المستقبل. ومع أزمة فيروس كورونا، كان مهم جدًا نتواصل مع متحدثي "قمة صوت مصر"، من المشاركين في دوراتنا السابقة. اللي كان ليهم رؤى وتنبؤات عن شكل الحياة والاقتصاد في المستقبل. وقررنا نعمل معاهم حلقات قصيرة عن الواقع الجديد بعد انتشار الفيروس. وإزاي الأزمة هترسم مسارات واقع جديد ومستقبل مختلف. خاصة أن التغيير اللى تنبأوا به كان أسرع من المُتوقع".
تقدروا تتابعوا كل حوارات "صوت مصر- تغيير الواقع" من هنا:
