كجزء من حملة مواجهة فيروس كورونا، دلوقتي ناس كتير بتشتغل من البيت. علشان تقلل التجمعات اللي بتسبب انتشار الفيروس. وطبعًا العمل عن بعد مستحيل يلغي التواصل بين الأفراد، لضرورة مناقشة الأفكار وتطورات العمل. علشان كده هنقول لكم على مجموعة من التطبيقات والمواقع، اللي بتسهل عملية التواصل خلال العمل من البيت:

Zoom

التطبيق ده هيسمحلك بالتواصل مع زمايلك في الشغل من أي مكان، بأعلى دقة صورة وأوضح نقاء صوت ممكن تحتاجه. وكمان فيه شات للمحادثات. تطبيق بيجمع مميزات الـ video conferencing، online meeting، وكمان جروبات المحادثات في مكان واحد. متاح لأندرويد، وiOS.

Slack

موقع "slack" قريب للبريد الإلكتروني، لكنه بيتميز بسهولة التواصل عن بعد بشكل أكبر. كمان بيوفر جو تفاعلي زي التواصل الحقيقي. وبيشتغل بنظام القنوات، يعني تقدر أي شركة تصمم قناة عليه، ومن خلالها بيتم التواصل والمحادثات، وكمان تسجيلها.

Miro

بيوفر "miro" لمديري المنتجات والمصممين والمطورين والمسوقين التواصل مع بعض، من خلال سبورة بيضاء لها استخدامات كتير، زي الرسم، تدوين الملاحظات، كتابة النصوص، وتحميل ملفات بي دي أف. ومن خلاله تقدر تتدمج أكثر من 50 تطبيق، ده بيساعد المستخدمين على ربط برامجهم المفضلة ببعضها، زي مايكروسوفت، أو slack.

GoToMeeting

تم تصميم "GoToMeeting" مخصوص للقاءات الاجتماعات بالصوت والصورة. وممكن تعمل عليه اجتماع من أي مكان في العالم، سواء من خلال البريد الإلكتروني أو أدوات المراسلة الفورية. تقدر من خلال التطبيق تتحكم في جهاز الكمبيوتر الخاص بك، وكمان تسجل المحادثات.