لو انت من عشاق السفر والترحال، فأكيد كل السفريات والمغامرات اللي كنت مخطط لها اتفركشت. بسبب ظروف الحجر الصحي والحظر، اللي اتسببت في وقف حركة السفر، لكل الوجهات حتى جوة مصر.

لكن زي ما بيقولوا، كل مشكلة وليها حلّال. صحيح انت مش هتعرف تلف مصر وتشوف أماكنها السياحية، لكن هتقدر تزورها في مكانك من على موبايلك. هنقول لك إزاي

تطبيق Around Egypt الجديد هياخدك في جولة سياحية افتراضية، لاستكشاف أهم المواقع السياحية في مصر. 30 جولة مختلفة بيوفرها التطبيق، هتزور من خلالها أشهر المتاحف والمعابد وكمان الأهرامات. وهتعيش تجربة مختلفة، وانت بتلف كل محافظات مصر من إسكندرية لحد أسوان.

التجربة دي هتكون أفضل بكتير لو معاك نضارة VR Oculus. اللي هتحس من خلالها إنك جوة المكان بنفسك.

التطبيق متوفر لأجهزة IOS - ولأجهزة أندرويد. وتقدروا تعرفوا تفاصيل أكتر من موقعهم الإكلتروني من هنا.