انطلقت إمبارح رسميًا خدمة "Wngo"، خدمة جديدة بتنافس في عالم المواصلات والنقل الذكي. وبكده بتنضم لخدمات السوق الموجودةزي أوبر، كريم، سويفل، وغيرهم.
الخدمة في التطبيق فئتين:
فئة ميديام.. ودي حسابها بيكون فتحة العداد 7.25 جنيه، والكيلو بـ 2.75 جنيه. دقيقة الانتظار بـ 40 قرش. الحد الأدنى للحساب بيكون 12 جنيه.
فئة ستار.. وبيكون فتح العداد فيها 12 جنيه. الكيلو بـ 3.95 قرش. ودقيقة الانتظار بـ 65 قرش. الحد الأدنى للتسعيرة 17 جنيه.
عرفنا منهم كمان إن في خدمة ونش واسكوتر، هيكونوا متوفرين قريب.
إحنا استخدمنا الخدمة، وقررنا ننقل لكم تجربتنا. مبدأيًا عدد عربياتها قليل ومش مغطية كل المناطق. طلبنا الفئة العادية (ميديام) من الخليفة المأمون لوسط البلد، وصل في 4 دقائق. تقدر تراسل الكابتن أوتتصل به. ركبنا وبدءنا الرحلة، وكانت ظاهرة قدامنا على الخريطة بخط السير طول الوقت.
قطعنا مسافة 10.68 كيلو بسعر 29.37 جنيه. تكلفة الانتظار كانت 10.40 جنيه، وفتحة العداد 7.25 جنيه. وتم حساب سعر الرحلة بالكامل 47 جنيه.
التجربة بمجملها كويسة ومبشرة. بس معندهمش محفظة نقدية زي باقي الخدمات. نتمنى تتطور أكتر علشان ده هيزود المنافسة، اللي هتكون في صالح المواطن. ودي صفحتهم على فيسبوك.
التطبيق متوفر لأجهزة IOS
ولأجهزة أندرويد
