تعرض الفنان كريم فهمي، لأزمة صحية مفاجئة، يوم الجمعة اللي فاتت، وقامت أسرته بنقله للمستشفى، وبعد التحاليل والفحوصات الطبية، اتضح إنه بيعاني من جلطتين في الرئة، وقرر الأطباء نقله لغرفة العناية المركزة.

وفي مداخلة هاتفية مع الإعلامي عمرو أديب، ببرنامج "الحكاية"، كشف شقيقه، الفنان أحمد فهمي كل تفاصيل حالته الصحية، وقال إن كريم كان بقاله أسبوع حاسس بحاجة في صدره وعنده كحة، لدرجة أنه شك أنها كورونا، وعزل نفسه فترة، لكن بعد خضوعه لعدة تحاليل اتفاجأنا إنه مصاب بجلطتين على الرئة، واحدة على الرئة اليمين، وجلطة تانية على الرئة الشمال.

ووضح كمان إن الدكاترة لحد دلوقتي مش عارفين سبب الجلطتين إيه؟ لكنه خرج من العناية المركزة وهو دلوقتي في كامل وعيه، وطالب كل الناس بالدعاء لشقيقه، خاصة إنه مريض قولون، وبياخد أدوية بتتعارض مع أدوية الجلطات.

وأكدت على كلامه زوجته الفنانة هنا الزاهد، خلال حضورها حفل توزيع مهرجان الفضائيات العربية، إمبارح، بإن كريم فهمي حالته بتتحسن يوم بعد يوم، وقريب هيطمن الجمهور بنفسه".

سلامتك يا فنان.