كشف الدكتور محمد عوض تاج الدين مستشار الرئيس للشئون الصحية، آخر تطورات الحالة الصحية للإعلامي وائل الإبراشي، واللي أُصيب بفيروس كورونا في شهر ديسمبر اللي فات، ولسه بيعاني من مضاعفات الفيروس لحد النهارده.

وفي مداخلة هاتفية مع برنامج "مساء dmc"، إمبارح، قال إن الإبراشي لسه مرجعش لحالته الطبيعية، ولسه بيعاني من مشكلات بالرئتين. لكنه وضح في نفس الوقت، إن حالة الإعلامي بتتحسن، وتوقع تكون حالته أفضل في الأيام الجاية.

وأشار كمان لأن التليفات الموجودة في الرئتين، بتكون نتيجة التهابات رئوية بتحصل مع فيروسات كثيرة ومش بس فيروس كورونا، لكن الظاهرة دي واضحة الفترة دي بسبب انتشار جائحة كورونا.

بنتمنى السلامة لـ وائل الإبراشي ولكل إنسان مريض.