أقر مجلس النواب في جلسة يوم الحد 9 فبراير، مشروع قانون "السايس". اللي اتقدم به عدد كبير من أعضاء المجلس. القانون بينظم ساحات انتظار المركبات بأنواعها في الشوارع. وبيلزم المحافظين ورؤساء الشوارع، بتحديد ساحات انتظار معينة. وأي سايس لازم يكون معاه رخصة مزاولة للمهنة. وهيتم تطبيق العقوبة على أي مخالفة للقانون.

القانون بينص على إن السايس اللي هيمارس المهنة بدون ترخيص، أو في أماكن غير المحددة، هيتعاقب بالحبس مدة ماتزيدش عن 6 شهور. وبغرامة ماتقلش عن 5 ألاف جنيه، وماتزيدش عن 10 آلاف جنيه. أو بواحدة من العقوبتين. والعقوبة هتتضاعف لو اتكرر الأمر.

كمان السايس لو حصّل مبالغ مالية من قائدي المركبات، أكتر من القيمة المحددة، هيتعاقب بالحبس مدة ماتزيدش عن 3 شهور. وبغرامة ماتقلش عن 1000 جنيه، وماتزيدش عن 5 آلاف جنيه. أو بواحدة من العقوبتين. والعقوبة هتتضاعف لو اتكرر الأمر.

من المقرر إن القانون هيحدد القواعد والإجراءات اللازمة، لاستغلال الشوارع العامة بشكل حضاري.