بسبب ظروف الحجر الصحي والحظر، أغلب الناس دلوقتي بتشتغل من البيت. وطبعًا الراوتر اللي كان يا دوب شاغلك علشان تفتح فيسبوك، دلوقتي بقى أهم حاجة في البيت علشان تخلص شغلك. وكالعادة بتدخل في دوامة إيه أفضل شركة بتقدم خدمة إنترنت؟

حل المشكلة دي بيعتمد على أكتر من خطوة:

أول وأهم خطوة هي تغطية الشبكة، علشان تقدر توصل لأعلى سرعة وأفضل خدمة متاحة. الشبكة الأقوى في منطقة سكنك، هي اللي هتقدم لك أفضل خدمة إنترنت. وبالتالي بتكون محتاج بس تعرف أسعار الباقات بتاعت كل شبكة. وتختار منهم اللي يناسب احتياجاتك. وهم:

باقات "فودافون":

- 140 جيجا بايت، بسرعة تصل لـ 30 ميجا، سعر الاشتراك 90 جنيه.

- 175 جيجا بايت، بسرعة تصل لـ 30 ميجا، سعر الاشتراك 113جنيه.

- 300 جيجا بايت، بسرعة تصل لـ 30 ميجا، سعر الاشتراك 188 جنيه.

- 300 جيجا بايت، بسرعة تصل لـ 100 ميجا، سعر الاشتراك 338 جنيه.

- 600 جيجا بايت، بسرعة تصل لـ 30 ميجا، سعر الاشتراك 375 جنيه.

- 600 جيجا بايت، بسرعة تصل لـ100 ميجا، سعر الاشتراك 525 جنيه.

باقات "اتصالات":

- 140 جيجا بايت، بسرعة لـ 30 ميجا، سعر الاشتراك 120 جنيه.

- 200 جيجا بايت، بسرعة تصل لـ 30 ميجا، سعر الاشتراك 170 جنيه.

- 600 جيجا بايت، بسرعة تصل لـ 30 ميجا، سعر الاشتراك 500 جنيه.

- 250 جيجا بايت، بسرعة تصل لـ 70 ميجا، سعر الاشتراك 310 جنيه.

- 250 جيجا بايت، بسرعة تصل لـ 100 ميجا، سعر الاشتراك 410 جنيه.

باقات "أورانج":

- 140 جيجا بايت، بسرعة 30 ميجا، سعر الاشتراك 120 جنيه.

- 180 جيجا بايت، بسرعة 30 ميجا، سعر الاشتراك 75 جنيه.

- 300 جيجا بايت، بسرعة 30 ميجا، سعر الاشتراك 125 جنيه.

- 500 جيجا بايت، بسرعة 30 ميجا، سعر الاشتراك 200 جنيه.

- 250 جيجا بايت، بسرعة 70 ميجا، سعر الاشتراك 150 جنيه.

- 400 جيجا بايت، بسرعة 100 ميجا، سعر الاشتراك 250 جنيه.

- 600 جيجا بايت، بسرعة 100 ميجا، سعر الاشتراك 350 جنيه.

باقات "We":

باقات السوبر:

140 جيجابايت، سعر الاشتراك 120 جنيه.

250 جيجابايت، سعر الاشتراك 210 جنيه.

600 جيجابايت، سعر الاشتراك 500 جنيه.

باقات ميجا:

140 جيجابايت، سعر الاشتراك 220 جنيه.

250 جيجابايت، سعر الاشتراك 310 جنيه.

باقات ألترا:

140 جيجابايت، سعر الاشتراك 320 جنيه.

250 جيجابايت، سعر الاشتراك 410 جنيه.

600 جيجايت، سعر الاشتراك 700 جنيه.

بعد ما تنتهي من خطوة الباقات وأسعارها، لازم تاخد بالك من حاجة مهمة. وهي ضغط الاستخدام في الوقت الحالي. لأن دلوقتي بما إن أغلب الناس قاعدة في البيت، فضغط الاستخدام عالي على كل الشبكات. فأكيد هتقابلك مشكلة في جودة وسرعة الإنترنت. وعلشان تتغلب عليها، دي أهم النصايح:

1- ابعد عن وقت الذروة

فيه أوقات بيكون فيها معدل الاستخدام عالي. سواء وقت الشغل المعتاد خلال اليوم (شغل من البيت)، أو وقت السهرة اللي الناس بتتفرج فيه على أفلام مثلًا. فحاول دايمًا تبعد عن الأوقات دي لو تقدر، علشان تضمن أعلى سرعة.  وافتكر كويس إن أغلب الناس في البيوت، فالضغط على الشبكات عالي لفترات طويلة.

2- تقنين الاستخدام

لو انت في البيت مع أهلك، طبيعي السرعة تقل لإن أكتر من فرد بيستخدم الإنترنت في نفس الوقت. اللي بيحمل فيلم، واللي بيلعب.. إلخ. فلازم يتم تقليل استهلاك الإنترنت من الكل. وتخلي وقت مخصص لشغلك، ماحدش بيستخدم الإنترنت فيه غيرك.

3- تخفيف التحميل وجودة المشاهدة

طبعًا القعدة في البيت بتحتاج أفلام ومسلسلات بلا حدود، وده معناه يوتيوب وتحميل ومشاهدة أونلاين بجودات عالية. وبالتالي سرعة وجيجا بايتس بيتسحبوا بسرعة كبيرة. فلازم تاخد بالك من معدل استهلاكك فيهم، علشان تضمن سرعة مناسبة طول الشهر.

4- الـ Games

فيه ألعاب أونلاين بتكون متاحة بجودات عالية في الصورة والصوت. ممكن بسهولة الاستغناء عن الجوادت دي، واللعب بدرجات أقل. لإنها برضو من أهم أسباب خفض سرعة الإنترنت في البيت.

كمان مهم جدًا تعرف الإمكانيات المتاحة لكل شبكة. يعني مثلًا في فودافون لو الشبكة:

2G فدي للمكالمات بس، مش مناسبة للإنترنت.

3G مكالمات وداتا.

4G داتا بس.

مهم تعرف التفاصيل اللي زي ده من مركز خدمة العملا، علشان تبقى فاهم مدى الخدمة المتاحة بالنسبة لك. ومن خلال النصايح دي مع الاشتراك في الباقة المناسبة، هتقدر تستمتع بأفضل سرعة إنترنت في بيتك.