زي ما هنشوف مسلسلات متنوعة في موسم رمضان 2021، كمان هنتسلى ونضحك مع نجومنا وهم بيتعرضوا لمقالب ماكنتش على بالهم، والسنة دي، هنشوف في برنامج المقالب الجديد "5 نجوم" مجموعة كبيرة من الفنانين بيتعرضوا لمقالب كوميدية من أصحابهم.. يالا نعرف 5 معلومات عن البرنامج:

1 - برنامج "خمس نجوم" بينتمي لنوعية برامج المقالب والكاميرا الخفية.

2 - بيشارك في تقديم البرنامج "غادة عادل- مصطفى قمر- نور اللبنانية - كريم فهمي- محمد الشرنوبي"، لكن النجوم مش هيتجمعوا مع بعض في حلقة واحدة على مدار البرنامج، ولكن كل فنان هيقدم 6 حلقات لوحده.

3 - فكرة البرنامج، بتعتمد على إن الفنانين بيخدعوا ضيوفهم، وبيقنعوهم بإنهم مذيعين في برنامج عادي، وخلال الحلقة بينفذوا المقلب.

4 - من المقالب اللي هنشوفها مثلًا، تغيير سيارة الفنان اللي المفروض هيكون ضيف في الحلقة، كمان هنشوف إنفجارات كبيرة خلال تواجد ضيف تاني وهكذا.

5 - ضحايا البرنامج هيكونوا كتير، ومنهم: هيفاء وهبي "ضيفة أول حلقة"، صابر الرباعي، درة، نيكول سابا، وائل جسار، حسن شاكوش، حمو بيكا، ونجوم أكتر.

وعلى رأي حمو بيكا، شكلنا "حنطيروا" من الضحك السنة دي!