صحيح الستات بيكونوا مصدر دعم وحب للي حواليهم، لكن كمان بتعدي عيلهم أوقات، بيحتاجوا يشوفوا النور في آخر النفق، مافيش شك إن الدعم والنصيحة من أقرب الناس لينا، مفيش غنى عنه، بس الكلام المدروس والموزون والمتجرب، له تأثيره وسحره الخاص، وإحنا اختارنا لك 5 حسابات مهتمة بالمرأة، هيفيدوكي بجد مافيش كلام، يالا نتعرف عليهم:
سيدات مصر- Women of Egypt
واحدة من أشهر الصفحات الداعمة للمرأة المصرية على السوشيال ميديا، بتنشر بشكل يومي عن نماذج السيدات الناجحات والمكافحات والملهمات، علشان يكونوا مصدر إلهام لغيرهم، كمان بتعمل جولة عن المرأة في الصحافة العالمية كل أسبوع.
Entreprenelle
بنات وستات كتير، بتلح عليهم فكرة إنشاء مشروع خاص بيها، لكن بتقف قدامهم حواجز، زي إنهم ماعندهمش خبرة أو معلومات عن الأمور المالية وإدارتها مثلًا، وهنا بيجي دور القائمين على Enterprenelle ، اللي بيوضحوا عن طريق "البوستس" اللي بينشروها، نصائح تخص إدارة المشاريع الجديدة، وكمان بيعملوا ورش، بتديرها ستات عندهم بالفعل مشاريع وشركات بتنافس في سوق العمل.
واحدة جديدة
View this post on Instagram
بتقدم نصائح لطيفة للبنات، وبتشجعك كل يوم تكوني واحدة جديدة من نفسك، وده من خلال مواضيع بتشغل بال معظم البنات، يمكن ناس كتير تشوفها بسيطة، لكن في عالم المرأة ممكن تعطل يومها.
35 ب 35B
View this post on Instagram
لو بتواجهي مشكلة معينة ومش عارفة تتصرفي إزاي؟ هتلاقي الحل مع هنا كمال المعالجة النفسية وخبيرة اليوجا، اللي كلامها بيطبطب على القلب وبيهون الطريق، ده غير إنها كل كام يوم بتعمل "لايف" بترد فيه على أسئلة المتابعين، وورش كمان بتسميها ورش الشفاء الكامل من الأزمات العاطفية والنفسية، باليوجا والموسيقى، يعني مافيش روقان وهدوء أعصاب أحلى من كده.
اتكلم/ ي Speak up
View this post on Instagram
مباردة بتدعم ضحايا العنف بكل أشكاله، بتساعد المتابعات بأرقام بتهم كل مرأة، كمان بتحارب مفاهيم غلط في المجتمع، وبتحاول تشجع على ثقافة تقبل الآخر بكل اختلافاته.
