2019 بتخلص و 2020 جاية في الطريق. يا رب تكون سعيدة علينا كلنا. وزي كل سنة في تجهيزات وهدايا وأمنيات، لكن الفرحة ماتكملش إلا بحفلتين تلاتة مع نجومنا الجامدين. علشان كده في كلام القاهرة جمعنا لكم حفلات السنة الجديدة، تعالوا نشوف مع بعض:
20 ديسمبر - شيرين في المنارة
الفنانة شيرين عبد الوهاب هتحتفل برأس السنة مع جمهورها في مركز المنارة للمؤتمرات، في التجمع الخامس. التفاصيل من هنا.
24 ديسمبر - مدحت صالح في أوبرا مست
النجم مدحت صالح هيحيي حفلة الكريسماس، على مسرح أوبرا جامعة مصر للعلوم والتكنولوجيا "مست". التفاصيل من هنا.
تامر حسني ورامي جمال في المنارة – 27 ديسمبر
مركز المنارة في التجمع الخامس هيستضيف حفلة هتجمع بين النجم تامر حسني والنجم رامي جمال لأول مرة مع بعض في حفلة واحدة. اعرفوا تفاصيل أكتر من هنا.
علي الحجار في الجامعة الأمريكية – 27 ديسمبر
السنة دي النجم علي الحجار هيحيي حفلة الكريسماس، على مسرح قاعة “إيوارت” في الجامعة الأمريكية. التفاصيل من هنا.
هشام عباس في كايرو جاز 610 – 31 ديسمبر
الفنان هشام عباس هيحيي حفلة رأس السنة، في كايرو جاز كلوب 610. التفاصيل من هنا.
وائل جسار ورامي صبري في سميراميس – 31 ديسمبر
سهرة الكريسماس في فندق سميراميس، هيقدم النجمين وائل جسار ورامي صبري. وهيكون معاهم الفنان محمود الليثي. التفاصيل من هنا.
محمد منير في تريومف القاطمية– 31 ديسمبر
الكينج محمد منير هيقدم حفلة جديدة في الكريسماس، في فندق تريومف القطامية. التفاصيل من هنا.
حكيم في فورسيزون نايل بلازا وچي دبليو ماريوت وكونراد القاهرة- 31 ديسمبر
الفنان حكيم هيحيي 3 حفلات في رأس السنة، فى فندق فورسيزون نايل بلازا - چي دبليو ماريوت - كونراد القاهرة، التفاصيل هنا.
31 ديسمبر- محمد فؤاد وأحمد سعد في جراند نايل تاور
الفنان محمد فؤاد وأحمد سعد هيقدموا حفلة ليلة رأس السنة، في فندق جراند نايل تاور، التفاصيل هنا
كل سنة وانتوا طيبين.
