بما أن عيد الأضحى قرب، كتير من الناس طبعًا بيدبح خروف أو عجل، أوبيشارك بجزء. كله حسب مقدرته. وبتبقى فرحة كبيرة، إلا أن كتير منهم بيستغل الحدث وفرحته وبيدبح في الشارع. رغم إن ده مخالف للقانون وغرامته المالية 5000 جنيه. أو بيتم إحالة الفاعل للمحاكمة، لتلويث البيئة والإضرار بالمظهر الحضاري والجمالي. والتعدي على الممتلكات العامة، اللي هي الشاع.

القاهرة الكبرى أعلنت رسميًا تطبيق الغرامة على اللي يتم ضبطه، كمان منعت كل إجازات المجازر والبيطريين. وزودت المجازر بأدوات جديدة، وانتدبت أفراد أكتر علشان تغطي احتياجات الذبح. اللي بتبقى بأعداد مهولة داخل المذابح المعروفة.

الناس بتدبح في الشارع بعد صلاة العيد مباشرة، باعتباره سنة محببة. لكن دار الإفتاء المصرية أنكرت الكلام ده، وقالت أن إلقاء مخلفات الأضاحي في الطرق أمر مكروه، علشان فيها إيذاء كبير للناس. 

دار الافتاء طالبت الناس أنهم يدبحوا في الأماكن المخصصة "المجازر" للذبح، علشان مايضروش مشاعر الآخرين بتلويثم للشوارع.