حالة من الخداع اللذيذ دارت بين الفنان الكوميدي أحمد حلمي وزوجته الفنانة منى زكي، وده بعد ما نشر على حسابه بموقع فيسبوك، مقطع فيديو وهو بيصورها وهي بتعلن عن حلقتها الجديدة مع الفنانة إسعاد يونس في برنامجها "صاحبة السعادة".
"منى" اتلخبطت وهي بتدعو جمهورها يستنوها مع "إسعاد"، وطلبت من "حلمي" يوقف تصوير لإنها مبتعرفش تعمل برومو، لكن حلمي بخفه دمه استغل اللحظة دي وكمل تصوير، وكمان اقنعها إنه مش هينزل الفيديو ده وهيمسحه.
View this post on Instagram
بعدها نشر حلمي الفيديو، وكتب عليه: "أوعى حد يقول لها أني نزلت الفيديو"، وطبعًا ناس كتير أعجبت بتلقائية منى، وشقاوة حلمي المعروفة.
شافت منى الفيديو على السوشيال ميديا، فقررت تبعت "فويس نوت" لحملي، بتقوله فيها إن معاها فيديوهات ليه كتير، لكن حلمي ماسكتش ونشر برضو التسجيل ده وكتب عليه: "مش أنا اللي اتهدد.. طب اهو".
متنسوش تتفرجوا على منى زكي مع "صاحبة السعادة"، النهارده وبكره، الساعة ١١ بالليل على قناة " Dmc".
