أحيى الموسيقار الفرنسي العالمي "ريتشارد كلايدرمان"، حفلة عيد الحب على مسرح المنارة في التجمع الخامس. ودي المرة التانية اللي بيلعب فيها "كلايدرمان" مقطوعاته في مصر. وعن سر اختياره مصر للعام التاني لإحياء حفلة عيد الحب، قال إنه بيفضل يقضي عيد الحب مع اللي بيحبهم.

"كلايدرمان" صاحب لقب (أمير الرومانسية)، حسب ما أطلقت عليه سيدة أمريكا الأولى سابقًا "نانسي ريجان"، أحيى حفلات موسيقية في أكتر من 40 دولة. لكنه دايمًا بيأكد إن العزف قدام الجمهور المصري، بيكون له طعم خاص.

في تصريحات صحفية لـ "كلايدرمان" قال إن حس في زيارته السابقة للقاهرة، بحب الجمهور المصري. وانسجامه مع الموسيقى اللي بيقدمها. ده خلاه يعشق الجمهور ويحبه أكتر. وقرر إنه يرجع يعزف تاني في البلد اللي عشقها وحبها، مصر.

وعن مقطوعاته الموسيقية، سجل "كلايدرمان" عدد من المقطوعات الموسيقية الرومانسية المشهورة حول العالم. منها مقطوعة فيلم "Titanic"، ومقطوعة "Love Story". بالإضافة لعدد كبير من المقطوعات الموسيقية المختلفة والمتنوعة. ده خلاه واحد من أساطير عزف البيانو في العالم. ووصل حجم مبيعات اسطواناته لأكتر من 70 مليون اسطوانة، في أكتر من 35 دولة على مستوى العالم.