لو انت مغترب وبعيد عن بلدك، بسبب الدراسة أو الشغل. أكيد مكان الإقامة بيمثل أول مشكلة بتقابلك. لف كتير وسماسرة وأسعار هنا وهناك. دلوقتي الموضوع ده مابقاش مشكلة، بفضل تطبيق "زول" الجديد.

"زول" تطبيق مختص بمشاركة السكن للمغتربين. فلو انت عندك غرفة عايز تعرضها للايجار، أو بتدور على شقة أو غرفة تأجرها. بتدخل تملى بياناتك وهم بيوصلوك بالحاجة اللي تناسبك.

التطبيق بيعتمد حاليًا على ملء بياناتك عن طريق فريم مخصوص له، لحد ما ينزل الأبليكيشن بشكل رسمي. وبعد ما بتكتب متطلباتك، بيعرض عليك تفاصيل الشخص المتاح، وبيعرفك عليه بشكل كامل. بعدها تقدر تحجز المدة المناسبة لك، وتدفع عن طريق الأبليكيشن.

البرنامج بيتيح أنك تتقرج على صور وتفاصيل المكان، والمقيمين فيه. اهتمامتهم وصفاتهم وعنوان تقريبي، وتدردرش مع المضيف كمان. وفي حالة موافقتك بتحجز وتدفع عن طريق التطبيق. اللي بيحول فلوسك للمضيف بعد 48 ساعة. علشان لو عندك مشكلة أو لقيت شيء مختلف أو غير مقبول في أول 24 ساعة، تقدر تسترد فلوسك كاملة.

صفحة التطبيق على فيسبوك من هنا. ولو عاوز تأجر أو تستأجر غرفة تقدر تبعت لهم من هنا.