حالة من الجدل سيطرت على السوشيال ميديا خلال اليومين اللي فاتوا، بعد ما نشر اللاعب محمد صلاح عدد من الصور، جمعته بعارضة الأزياء البرازيلية "أليساندرا أمبروسيو". وده كان على غلاف مجلة GQ الشرق الأوسط، اللي منحته لقب رجل العام 2019.

ظهر كل من صلاح وأليساندرا بأزياءوطلات مختلفة، لمصممين عالميين. ومن ساعة ما انتشرت الصور، وانشغلت كل مواقع التواصل بـ "أليساندرا". فتعالوا نتعرف أكتر عليها:

- هي عارضة أزياء برازيلية عندها 38 سنة.

- عملت عملية تجميل في ودانها في سنة 11 سنة. ودخلت عالم الأزياء وهي عندها 12 سنة.

- اشتغلت مع أشهر العلامات التجارية والبراندات منها ديور وآرمانى ورالف لورين.

- اتشهرت من خلال تعاونها مع فيكتوريا سيكريت في الفترة من 2004 لـ 2017.

- عندها بنت من صديقها السابق، اسمها "أنيا لويس". اتولدت في البرازيل في 2008.

- سنة 2013 احتلت المركز رقم 6 على قائمة مجلة فوربس، لأعلى العارضات ربحًا في العالم. واتقدر ربحها بـ 6.6 مليون دولار فى سنة واحدة.

- مجلة People اختارتها كواحدة من أجمل 100 شخص فى العالم سنة 2017.

- في 2014 أطلقت براند خاص باللايف ستايل والأزياء باسم Ále by Alessandra، بالتعاون مع شركة تجزئة أمريكية.

- شاركت في أفلام كتير منها: Daddy's Home - Daddy's Home 2 - Casino Royale.

- اختارتها مجلة GQ للظهر مع صلاح على الغلاف، احتفالًا بنجاحها لمدة 18 سنة في مجالها.