بيواصل المخرج ياسين حسن، تصوير الموسم الأول من مسلسل "عالم دبليو "، اللي بيعتبر –بحسب بيان للشركة المنتجة- أول مسلسل تقدمه الدراما العربية في الشرق الأوسط بيناقش عالم "السوبر هيرو" أو الأبطال الخارقين. تعالوا نعرف تفاصيل أكتر عن مسلسل "عالم دبليو" بحسب تصريحات لصناعه:

1- المسلسل بيتكون من أجزاء منفصلة متصلة، كل جزء مكون من ٥ أو ٦ حلقات، وكل حلقة مدتها من ٤٠ لـ ٥٥ دقيقة. ومن المقرر تحويل بعض أجزاء السلسلة أفلام سينمائية .

2- بيتم تصويره بأسلوب وتقنيات جديدة ومختلفة، علشان تقنع وتجذب الجمهور، اللي سبق وشاف النوع ده من الأعمال في السينما العالمية.

3- استعانت جهة إنتاج المسلسل، بأحدث إصدارات أجهزة الجرافيك العالمية، بالإضافة للتعاقد مع شركات مونتاج عالمية، علشان جودة التصوير تكون قريبة لحد كبير من سلسلة "مارفل" العالمية.

4- لحد دلوقتي، تم تصوير عدد من المشاهد في استديوهات ومواقع في مصر والإمارات .

5- بطولة جماعية لـ حمادة هلال ومحمد الشرنوبي وشريف رمزي، ونجوم تانين من جنسيات عربية وأجنبية. 6- هيتعرض على واحدة من المنصات العالمية، وبيتولى عملية الإنتاج المنتج العراقي سيف عريبي، والعمل من تأليف كريم أسامة.