جمعية رسالة للأعمال الخيرية أطلقت جروب "أنا وابن عمي بنساعد الغريب" على فيسبوك في رمضان 2019. هدفه إن جميع رواد السوشيال ميديا يساعدوا بعض، بدون ما يعرفوا بعض. وده في كل المجالات سواء توزيع هدوم مستعملة، تجهيز عرايس، توفير وظايف، التبرع بأدوية مركونة في البيت. وغيرها من أشكال المساعدة.
الجروب تخطى الـ 4 ملوين مشترك لحد دلوقتي، وانضم له أعضاء من كل محافظات مصر. مش بس كده، فيه فنانين انضموا للجروب وحبوا يشاركوا في الخير. تعالوا نعرف مين من المشاهير كان له دور في مساعدة الغريب:
إيساف
أول ما انضم الفنان إيساف للجروب، كتب بوست عبر فيه عن حبه للفكرة. وعرض إنه يساعد بأي شكل ممكن، ووعد بإنه يغني في أول فرح لعريس وعروسة من الجروب، بدو أي مقابل.
وبالفعل أحيا إيساف حفل زفاف أول عروسين من الجروب، بدون أي قابل مادي. واعتبرها هدية منه للعروسين، علشان يشجع الناس يساعدوا بعض.
آلاف المشاركين في الجروب بعتوا لإيساف رسائل حب وشكر، على موقفه الإنساني. خاصة إنه يعتبر من أول الفنانين اللي تقدم خدمة تفرح الناس بدون تردد.
محمد شاهين
الفنان محمد شاهين شارك بطريقته الخاصة، وعمل أغنية "ابن عمي". كلمات وألحان عزيز الشافعي، وتوزيع أمير محروس.
الأغنية حققت انتشار واسع على مواقع التواصل الاجتماعي، وبدأ المستخدمين يشاركوها بينهم، علشان يشجعوا بعض على دعم ومساعدة الغير.
ونشر شاهين فيديو على الجروب، عبر من خلاله عن سعادته بتقديم الأغنية. كمان دعا المتابعين أنهم يشاركوا من خلال الصفحة الرسمية للجروب، في مساعدة أكبر عدد من المحتاجين في جيمع المحافظات.
راندا البحيري
أما الفنانة راندا البحيري فقدمت المساعدة من خلال دكتور الأسنان الخاص بها، ونشرت فيديوا قالت فيه أنه هيعالج 4 حالات من أعضاء الجروب بالمجان. وكمان وعدت أنها هتقدم مساعدات أكتر في الأيام الجاية.
