في الساعات الأخيرة، انتشر فيديو للنجم عمرو دياب من حفلة خاصة لصالح شركة عقارية، كان أحياها يوم السيت اللي فات. لحد هنا والموضوع يبان عادي، لكن اللي مش عادي هو إن الهضبة كشف من خلال الفيديو عن إصابته بفيروس كورونا المستجد (كوفيد 19).

طبعًا الدنيا انقلبت بعد التصريح ده، خاصة إن ماتمش الإعلان رسميًا عن إصابة الهضبة بالفيروس أو التعافي منه طول الفترة اللي فاتت. جمهور المطرب العالمي قلق جدًا من الخبر، وكمان مواقع ومنصات إعلامية كتير بدأت تتداول الخبر.

وأكد أكثر من مصدر مقرب من دياب إصابته بالفيروس، ومنهم الشاعر أحمد المالكي، اللي قال في تصريحات إعلامية إن "الهضبة فعلًا أصيب بالفيروس من فترة، لكنه خف منه بسرعة". "الماكي" كشف إن "إصابة الهضبة بكورونا تمت لما كان بيصور أغنية "أهي أهي" مع المطربة اليونانية إيرينا، لكن التصوير اتوقف بسبب ظروف مرضه".

شائعات كتير انتشرت على السوشيال ميديا، منها اللي بيقول إن عمرو دياب عنده كورونا حاليًا، لكن الأمر ده نفاه الشاعر الغنائي بهاء الدين محمد، ووضح إن عمرو دياب صحته كويسة وماجالوش كورونا بعد حفلته الأخيرة، وكل اللي بيتردد شائعات كاذبة.

ألف سلامة عليك يا هضبة!