بعد الجدل اللي أثارته أغنية "سالمونيلا" لتميم يونس، خلال اليومين اللي فاتوا، فيسبوك حط تنويه على كليب الأغنية. بيفيد إن الكليب يحمل محتوى مؤذي وغير لائق.

دلوقتي الكليب لو ظهرلك على الصفحة الرئيسية، هيكون باين عليه التنويه. ولازم انت اللي تضغط على "see video" علشان تشوفه.

الموضوع بدأ لما جت بعض ردود الأفعال على الأغنية، إن فيها تريقة على البنات بشكل عام. لكن تميم في نفس يوم عرض الكليب، عمل فيديو قال فيه إنه بيتريق على الولاد مش العكس.

بعدها بكام يوم، المجلس القومي للمرأة قدم شكوى لإدارة جوجل. بيطلب فيها وقف بث أغنية "سالمونيلا"، لأن فيها رسائل بتهين المرأة، وبتدعو للتنمر والتحريض عليها.

ودلوقتي انتهى الأمر إن فيسبوك حط تنويه على الأغنية.

واضح كده إن 2020 مش أفضل سنة لتميم يونس.