كتير مننا دلوقتي بيشتغل من البيت، بسبب إجراءات السلامة المتبعة في كل مكان. وفجأة بقت شبكة الإنترنت أهم من أي حاجة تانية في البيت. وضروري جدًا تكون السرعة عالية، علشان نخلص كل مهام الشغل. إحنا هنقول لكم على خطوات بسيطة ومهمة، علشان تزودوا بيها سرعة الإنترنت في البيت.. يلا نعرفها:

1- اعمل اختبار بسيط تعرف بيه سرعة الإنترنت بتاعتك. وعلشان تعمل ده تقدر تستخدم تطبيق "Ookla"، تطبيق مجانى بيساعدك تقيس سرعة إنترنت الواى فاى أو الموبايل داتا. ومتصل بعدد كبير من الخوادم العالمية. كل اللي هتعمله تدوس "Go" وتستنى لمدة دقيقة، وهيتم توصيلك بأقرب خادم ليك. متاح لنظام أندرويد، ونظام iOS.

2- خليك قريب من الراوتر علشان تضمن إشارة قوية. لكن لو مضطر تكون بعيد، تقدر تجيب جهاز (wireless range extender) علشان تقوي الإشارة. ويُفضل تجيبه من نفس الشركة الخاصة بالراوتر.

3- اتأكد إن مفيش حد في البيت بيعمل streaming أو داونلود، لأن ده بيسحب من السرعة.

4- حافظ على تغيير الباسوورد الخاصة بالراوتر باستمرار، علشان تحمي نفسك من أي hacking على الخط بتاعك. وتضمن إن السرعة كلها ليك وحدك.

ومتنساش طبعًا تقفل الراوتر وتفتحه تاني