الفرعون المصري محمد صلاح، فاز بجائزة رجل العام في الشرق الأوسط لعام 2019. خلال حفلة (GQ Men of The Year 2019) اللي نظمتها مجلة GQ العالمية.

نجم ليفربول استلم الجائزة في حفل ضخم نظمته المجلة في أبو ظبي، بحضور عدد كبير من فنايين الوطن العربي، وكان بيقدمه الإعلامي باسم يوسف. طبعًا حدث زي ده لا يخلو من صور كتيرة وسط النجوم. كان أبرزهم صورة صلاح مع باسم يوسف، اللي نشرها الأخير على حسابه على إنستجرام.

صلاح أهدى الجائزة لجمهوره، خصوصًا في مصر. وقال إن الجمهور المصري دايمًا بيسانده في مكان بينتقل له، وبيحس بحبهم ودعمهم طول الوقت. 

صورة صلاح ظهرت على غلاف المجلة في ديسمبر اللي فات. ونشرت المجلة مسيرته على صفحاتها، من بدايته في مصر لحد وصوله لأفضل أفضل نجوم العالم.