فعاليات الدورة الـ 11 لمهرجان القاهرة الدولي لموسيقى الجاز، هتقام في الفترة من 10 لـ 12 أكتوبر الحالي. وهتكون في مركز التحرير الثقافي بالجامعة الأمريكية بالقاهرة. الحدث هيضم فرق عالمية من 8 دول مختلفة بجانب مصر. وكمان هيحضره أكثر من 80 فنان وفنانة.
من أهم الفرق المشاركة في المهرجان:
وسط البلد
من أشهر الفرق الناجحة اللي بتقدم نوع مختلف من الغناء والموسيقى. اتأسست سنة 1999، ودلوقتي لها جمهور في العالم كله.
عزيز مرقة
الموسيقى بتاعته مختلفة ومميزة، وله شعبية كبيرة في الوطن العربي. وبيتابعه أكثر من 13 مليون على تطبيق الموسيقى أنغامي.
يسرا الهواري
ملحنة و مغنية مصرية، انضمت لمشروع كورل في 2010. بعدها بسنتين قدمت أغنية "السور" اللي حققت انتشار كبير وقتها.
هيشارك في الدورة دي فرق ونجوم تانين من هولندا، سويسرا، المجر، البرتغال، النمسا، لكسمبورج وإيطاليا. تقدروا تعرفوا تفاصيل أكثر عن المهرجان من هنا.
