خلال مؤتمر مطوري الألعاب 2019، أعلنت شركة Activision  بالتعاون مع Tencent، عن نيتها لطرح لعبة "Call of Duty: Mobile" للهواتف المحمولة. وبعدها حددت الشركة ميعاد صدور اللعبة لهواتف أندرويد وIOS، بتاريخ 1 أكتوبر.

النهارده اللعبة بالفعل بقت متاحة على جوجل بلاي وآب ستور. وخبراء تقنية كتير بيتوقعوا إنها تنافس "PUGE"، اللي انتشرت بشكل كبير جدًا بين الشباب خلال الشهور اللي فاتت.

تعالوا نعرف تفاصيل أكتر عن لعبة "Call of Duty: Mobile" الجديدة:

- بتجمع أفضل الامتيازات اللي ممكن يتم تقديمها في لعبة واحدة، منها خرائط Modern Warfare زي Crash وCrossfire - وخرائط Black Ops زي Nuketown وHijacked.

- بتدعم وضع Battle Royale، اللي بيسمح بوجود 100 لاعب على خريطة مفتوحة وضخمة.

- تقدر تلعب من خلال مسابقات فردية أو ثنائية أو رباعية. وبتكون في أماكن مختلفة زي البر والبحر والجو، بمركبات فيها ATV وطائرات هليكوبتر.

- اللاعبين هيقدروا يفتحوا شخصيات Call of Duty الكلاسيكية، زي John "Soa" MacTavish وSimon "Ghost" Riley من سلسلة Modern Warfare. وكمان Alex Mason من Black Ops series.

- اللعبة متاحة للتحميل بشكل مجاني، بشرط إنها تتضمن عناصر داخلية للشراء، وهيكون فيها إعلانات بتظهر خلال اللعب. سواء على هواتف أندرويد أو iOS.

تحميل اللعبة لأنردويد من هنا. 

تحميل اللعبة لـ IOS من هنا.