في الكام يوم اللي فاتوا السوشيال ميديا كانت مليانة كوميكس على كزا حاجة حصلت. مواقف وأحداث وتصريحات مختلفة، كلها كانت مادة طلعت منها كمية ضحك هستيري. تعالوا كده نتفكر مع بعض الكوميكس اللي ظهرت، عن اللي حصل الأسبوع اللي فات:
يومين المطرة
طبعا كلنا شوفنا الشوارع كانت عاملة إزاي. ده خلى الناس تضطر تعمل حاجات غريبة، منهم اللي نزل بعوامة، واللي كان بينقل الناس على كرسي أو عربية. وطبعًا الكوميكس ماتوصتش.
محيي إسماعيل
كلمتين قالهم الفنان محي إسماعيل، في حواره مع قناة تلفيزيونية عن رأيه في فيلم الممر. الدنيا اتقلبت بعدها وماقعدتش. صراحته وتلقائيته لفتت الانتباه، وخلت جمهور السوشيال ميديا يطلع بافتكاسات كتيرة من كلامه.
حمو بيكا
حمو بيكا زار مستشفى 57357، بس زيارته مامرتش على السوشيال ميديا مرور الكرام. وأخد نصيبه من القفشات والضحك.
"المستشفى بتتكون من عدة طوابق وعلم الطوابق إسلام سنوفة زي ما حضرتك عارف طبعًا".
"قدام مرايتها" للهضبة
الهضبة نزل أغنية جديدة من ألبومه "أنا غير"، وبصراحة كلمات الأغنية كانت مادة خام لكوميكس وفيديوهات كتير.
كوميكس السنين
الكوميكس اللي بتوصف حال الناس قبل وبعد اختراع حاجات معينة، كانت بتهلك من الضحك.
يا ترى إيه تاني شوفته على مدار اليومين اللي فاتوا؟ شاركونا في التعليقات.
