بعد النجاح الكبير اللي حققه الجزء الأول من مسلسل "الاختيار" واللي قام ببطولته الفنان أمير كرارة، وعُرض في رمضان اللي فات، قررت الشركة المنتجة تقديم جزء ثاني من العمل، لكن المرة دي بأبطال وأحداث مختلفين.
في السطور الجاية هنعرفكم أكتر على تفاصيل الجزء الثاني من الاختيار:
- أحداث "الاختيار 2" هتوثق لبطولات الشرطة المصرية في تصديها للعمليات الإرهابية، والقصة الأساسية هتكون هي قصة الشهيد البطل الضابط محمد المبروك، اللي استُشهد على يد العناصر التكفيرية سنة 2013، أثناء مروره بسيارته من أحد شوارع مدينة نصر.
- رصدت الشركة المنتجة ميزانية كبيرة علشان يخرج المسلسل بمستوى عالي من الإبهار مايقلش عن اللي شوفناه في الجزء الأول.
- بالفعل تم الانتهاء من تصوير مشاهد كتير من العمل، وهيتم عرضه في موسم دراما رمضان 2021.
- البطولة مشتركة بين النجمين كريم عبد العزيز وأحمد مكي، وهيشاركهم عدد كبير من الفنانين وضيوف الشرف منهم: إياد نصار، إنجي المقدم، أسماء أبو اليزيد، محمد علاء، إسلام جمال، بشرى، ليلى عز العرب، مصطفى أبو سريع، أحمد داش، رياض الخولي، محمد فراج، وغيرهم.
- مشاهد كتير من المسلسل بتتصور في أماكن صحراوية ومراكز تدريب، علشان تكون زي الحقيقة اللي عاشها الأبطال الحقيقين بالظبط.
- الاختيار 2 سيناريو وحوار هاني سرحان، ومن إخراج بيتر ميمي.
