بعد ما رفع اسم مصر قدام العالم كله في مجال كمال الأجسام للمحترفين، بيستعد رامي السبيعي أو "بيج رامي" بطل مستر أولمبيا 2021، للرجوع للقاهرة يوم الأثنين 17 أكتوبر الساعة 11:00 الصبح.

ومن المقرر يكون في انتظاره بمطار القاهرة وفد كبير من كبار رجال الرياضة، أهمهم الدكتور أشرف صبحي وزير الرياضة، إسلام قرطام مؤسس فريق كوسكواد، رئيس اتحاد رياضة "ستريت وورك أوت"، بجانب عدد من أبطال رياضة كمال الأجسام.

هيتم كمان تجهيز استقبال كبير ومفاجأت ضخمة بعد خروجه من المطار، تليق بالإنجاز الضخم اللي حققه البطل الأسطوري، منها إن بيج رامي هيلف بأوتوبيس مكشوف في شوارع القاهرة.

بالإضافة لده، هيقام حفل تكريم كبير لبيج رامي خلال فعاليات أولمبيا مصر للهواة والمحترفين، في الفترة من 26 لحد 31 أكتوبر الجاري.

هتنور مصر يا بطل!