من أول يوليو بدأت مصر تستأنف رحلاتها السياحية، محليًا ودوليًا. وده طبعًا مع كل احتياطات السلامة والإجراءات الوقائية الخاصة بفيروس كورونا. لكن حقيقة استمرار وجود الفيروس وعدم القضاء عليه تمامًا، بتخلي الواحد يفكر أكتر من مرة لو عايز يسافر برة مصر. وده بيخلي فكرة السفر الداخلي أقرب للتنفيذ. علشان كده هنقول لكم على 6 أسباب يشجعوكم أكتر على فكرة السياحة المحلية:
1- جوة مصر أمان أكتر
بعيدًا عن إن السفر برة مصر، اختياراته مش كتيرة حاليًا. لكن خلينا نتكلم بصراحة، السفر المحلي أأمن بكتير. زائد إن بعد فترة الحجر بقينا مش بنرتاح أوي وسط التجمعات. علشان كده لو فكرت تطلع رحلة تخييم، أو تسافر أي مصيف وتستمتع بالبحر وأجوائه، هيكون أفضل من السفر الدولي.
ودي ترشيحاتنا لبعض أماكن الإقامة:
جنوب سيناء:
باي سايد - رأس سدر
قرية ميراج - دهب
الدايرة كامب - نويبع
البحر الاحمر:
فندق ترتلز إن - الجونة
يوتوبيا بيتش كلوب - مرسى علم. ولو انت أحد عملاء Osana ، هيكون لك خصم خاص.
للشقق الفندقية:
2- فرصة لاستكشاف معالم بلدك
زي ما بتكون سائح في أي بلد تانية، ممكن تكون سائح في بلدك عادي. مصر فيها وجهات سياحية كتيرة، وأماكن جميلة وجديدة ممكن تبقى لسه ماعرفتهاش. دلوقتي فرصتك تزورها وتستكشفها وتستمتع بجمالها.
3- هتساهم في دعم اقتصاد بلدك
السياحة كانت من أكتر المجالات اللي اتأثرت بشكل كبير بسبب الوباء. فلو انت مدمن سفر، دي فرصة كبيرة إنك تنعش السياحة تاني جوة مصر. وبكده هتقدم مساعدة كبيرة لإنقاذ الشركات المحلية الصغيرة، اللي كتير منها اتقفل تمامًا خلال الشهور اللي فاتت. منها الفنادق الصغيرة، المطاعم، وكمان مدن كاملة. غير كده مصر واحدة من الدول اللي بتعتمد بشكل كبير على السياحة، والسفر المحلي دلوقتي يعتبر أفضل داعم للوضع الاقتصادي الحالي.
4- هتستفيد من خصومات الفنادق
مش علشان انت بتحط فلوسك في دعم سياحة بلدك، فده يعني إنك مش مستفيد. بجانب التجربة الممتعة اللي هتمر بيها، شركات كتير في مجال السياحة دلوقتي بتقدم خصومات كتيرة وعروض متنوعة من الفنادق. علشان هم كمان يشجعوا الناس على زيارتهم. يعني صفقة مربوحة زي ما بيقولوا.
5- جهود وزارة السياحة
مؤخرًا بذلت وزارة السياحة والآثار، جهود كبيرة في الحفاظ على قطاع السفر. ومع عودة الفنادق للعمل من جديد، كشفت الوزارة عن علامة جديدة للسلامة والنظافة. بتشير أن الفندق خضع لإجراءات سلامة صارمة، تتوافق مع معايير منظمة الصحة العالمية.
6- مفيد لحالتك النفسية
الشهور اللي فاتت كانت صعبة على الكل. وبعد الفترة دي كلنا محتاجين نرتاح ونفصل من كل حاجة. شواطئ مصر الهادية وصحاريها الواسعة، قادرين ينعشوا عقلك وروحك. يبقى يلا مستني إيه؟
ياترى هتصيف في السنة دي؟
