العالم كله بيحتفل بعيد الحب أو الفلانتين يوم 14 فبراير من كل سنة. بس تعرف ليه اليوم ده تحديدًا هو عيد الحب؟

ده يوم إعدام القديس "فلانتين"، اللي كان مُضطهد من الإمبراطور كلوديوس الثاني. فلانتين كان رافض لقانون منع الجنود من الزواج، وبدأ يجوز الجنود الشباب في السر. لما الإمبراطور عرف، أمر بقتله. ومن وقتها اتعرف يوم موته بيوم التضحية في سبيل الحب، وفضل هو عيد الحب العالمي لحد النهاردة.

أما عيد الحب المصري، اللي هو النهارده 4 نوفمبر كل سنة، فده له قصة مختلفة. هي إن الكاتب مصطفى أمين كتب عمود جرنال أخبار اليوم سنة 1988، واقترح إننا نخصص يوم لتبادل المشاعر اللطيفة بين الناس، والتعبير عن حبهم لبعض. وقتها اتعرض لانتقاد وهجوم كبير، والفكرة ماكانتش مقبولة. لكن مع الوقت بدأت الفكرة تلاقي ترحيب، وبدأ المصريين يبادلوا بعض هدايا في اليوم ده. ومن ساعتها بقى اليود ده هو عيد الفلانتين في مصر، وبرضو بقى السبب في الدباديب الحمرا اللي مالية الشوارع.

قولونا بقى هتقضوا الفلانتين النهارده إزاي؟؟