بعد ارتفاع أسعار بعض المنتجات والسلع الغذائية، كتير من الأسر المصرية بقت في أشد احتياج للمساعدة. والأمر زاد صعوبة بقرب رمضان. علشان كده هنعرفكم على أهم الجمعيات الخيرية الموثوقة في مصر، اللي من خلالها تقدروا تساعدوا المحتاجين بشنط رمضان أو بوجبات فطار وسحور للصائمين طول شهر رمضان:

تقدر من خلال جميعة رسالة تشارك بتكلفة شنطة رمضان وتمنها 180 جنيه أو 35 جنيه بس ودي تكلفة وجبة إفطار صائم، وطرق تانية مختلفة. اعرفوا كل تفاصيل المشاركة من صفحتهم على فيسبوك.

الأورمان عاملة كرتونة رمضان 12 كيلو، وبتشمل (2 كجم أرز- 2 كجم مكرونة- 2 كجم سكر- 1 كجم فول- 1 كجم عدس- 1 كجم بلح- علبة سمن (1.5 كجم)- علبة صلصة (380 جرام) - علبة شاي (250 جرام)، وكل ده بـ 180 جنيه، وممكن تشاركوا بزكاة رمضان أو صدقة بأسهم بتبدأ من 250 جنيه، لحد 1000 جنيه. طرق التبرع وأرقام التليفونات كلها موجودة على صفحتهم على فيسبوك.

كرتونة فرحة رمضان مع بنك الطعام بتنقسم لفئتين (فئة 350جنيه) و(فئة 150جنيه)، تقدر تساهم كمان بوجبة الفرحة إفطار وسحور وسعرها (35 جنيه شامل الوجبتين)، أو وجبة الفرحة إفطار بس (25 جنيه). ادخلوا على صفحتهم على فيسبوك.

السنة دي مصر الخير عملت كرتونة فيها كل اللي هتحتاجه أسر كتير في شهر رمضان، 12 كيلو مواد غذائية بـ 200 جنيه. تفاصيل المشاركة والتبرع كلها على صفحتهم على فيسبوك.

يا أهلًا بشهر الخير.