بعد ما تداول نشطاء مواقع التواصل الاجتماعي، فيديو لظهور حوت على شواطئ البحر المتوسط في الساحل الشمالي، بدأت الناس تصيبها حالة من الرعب والقلق، لحد ما خرجت وزارة البيئة علشان تأكد انه مبيأذيش.

والدكتور لؤي السيد، منسق برنامج الحياة البرية في وزارة البيئة، قال أن من الطبيعي ظهور الحيتان في شواطئ البحر المتوسط لان فيه 11 نوع مختلف موجودين داخل المياه، ومش غريب خروجه للشاطئ للبحث عن الطعام.

وكمان وضح السيد أن الحيتان بطبيعتها مش أسماك مفترسة لانها من الثديات ومش بتهاجم الإنسان بشكل متعمد، وبرر دا بأن فيه أنواع من الدرافيل بتنقذ الإنسان لو كان في خطر، وفي نفس الوقت طالب كل المصيفيين أنهم يكونوا حذرين علشان لو ظهر حوت ممكن يخبطهم بشكل عشوائي لأنه بيتحرك بشكل مفاجئ وبسعرة جدًا، مع التأكيد على أنه لا يمثل ضرر.