بنات كتير بتعاني من مشاكل الشعر، ومعظمها بيدور حول التساقط والتقصف وقشرة الرأس، وغيرها. لكن كتير من ميعرفوش أن المشاكل دي، أحيانا بتكون البنت هي السبب فيها بطريقة غير مباشرة. موقع "glaminati" قسم مشاكل الشعر لنوعين، داخلية وخارجية. تعالوا نتعرف عليها عشان نتجنبها بعد كده:
- مهم جدًا غذائك يكون متوزان، يعني حاولي تبعدي بقدر الإمكان عن الـ"فاست فود". واهتمي أكتر بأكل الخضروات والفواكه الفريش. ومفيش مانع من اللحوم البيضاء خاصة "الأسماك"، لأنها بتحتوب على أوميجا 3. وده عنصر مهم جدًا للشعر والبشرة كمان.
- ابعدي عن التوتر والـ "أوفر ثينكينج"، مش بس بعد الساعة 12 بالليل لكن طول اليوم. لو عايزة شعرك يكون صحي وبيطول بسرعة.
- تغير الهرمونات بيلعب دور أساسي في صحة الشعر ومراحل نموه. وبالتالي سواء كنتي حامل أو في فترة ما بعدة الولادة، أو حتى مش متجوزة. ضروري تعملي زيارة للطبيب عشان تطمني على كل جزء في جسمك.
- بالرغم من أن الغذاء الطبيعي مفيد، لكن ممكن تضيفي فيتامينات ومكملات غذائية مخصوص لمعالجة مشاكل الشعر. وهتلاحظي فرق كبير مع الاستمرار.
- متنسيش أن طريقه تعاملك مع شعرك أهم حاجة في كل النصائح اللي قريتيها، يعني حبي شعرك عامليه برفق. اعرفي نوعه وطبيعته، ودوري دايمًا عن المناسب له. كمان صحي جدُا أنك تجففيه بهدوء بعد الشاور، وتبعدي عن البيبي ليس والسشوار على قد ما تقدري.
