في سابقة هي الأولى من نوعها، قررت جامعة الأهرام الكندية، تعيين "إبراهيم الخولي" صاحب متلازمة داون، معيد في كلية الإعلام. وده خلال شهر أكتوبر الجاري، اللي بيحتفل فيه العالم كله بأصحاب بمتلازمة داون. تعيين إبراهيم في الجامعة خطوة مهمة جدًا وأول مرة تحصل في مصر. ونتمنى تكون بداية لخطوات مماثة في المستقبل.

إبراهيم شاب عنده 24 سنة. اتخرج في كلية الإعلام بالجامعة الكندية 2019. وبعدها اتعيين معيد فيها. حياته مليانه نجاحات وانتصارات كتيرة. بدأ رحلته المثيرة كبطل رياضي. وده بمساعده أهله، خصوصًا والدته، اللي كانوا دايمًا مصدر دعم له، لحد وصوله للعالمية. مش بس كده كمان بيشارك دلوقتي فى بطولة العالم "بيريسبن" للتنس الأرضي في استراليا.

طول فترة دراسته، إبراهيم كان بيلاقي الدعم من كل دكاترة الجامعة وهيئة التدريس. وكانوا دايمًا بيحفزوه على تحقيق حلمه، ويشجعوه في كل خطوة لنجاحه..