علشان يعرف إزاي الفلوس بتأثر على حياة الناس، قرر الملياردير الياباني "يوساكو ميزاوا"، إنه يتبرع بمليار ين (9.1 مليون دولار)، لـ 1000 شخص من متابعيه على تويتر.

في يوم 1 يناير، أعلن مؤسس أكبر موقع إلكتروني للأزياء في اليابان، إنه هيتبرع بالمبلغ لألف شخص بشكل عشوائي. كجزء من تجربة بيحاول يعرف فيها، إذا كانت الفلوس بتشتري السعادة للأشخاص. والمطلوب من كل متابع علشان يكسب 9118 دولار، إنه يعمل ريتويت لتويتة "ميزاوا" قبل يوم 7 يناير.

 

من خلال فيديو على يوتيوب، وصف الملياردير صاحب الـ 44 سنة، الموضوع بإنه تجربته اجتماعية خطيرة. استوحي فكرتها من مبدأ الدخل الأساسي العالمي. وحب يطرح للنقاش بشكل موسع، فكرة تأثير الدفع غير المشروط للفلوس، على المواطنين اليابانيين.

"ميزاوا" طلب من اللي أخدوا الفلوس إنهم يصرفوها بالشكل اللي يحبوه. وفي نفس الوقت يتابعوا تأثير الموضوع عليهم، من خلال الإجابة على استطلاع رأي بشكل مستمر. كمان لجأ لخبراء اقتصاد وأكاديميين، علشان يحللوا نتايج الاستطلاع ده.

الآنسة اللي ورا عملتي ريتويت ولا لسه.