تطهير وتعقيم المشتريات إجراء ضروري للوقاية فيروس كورونا، ولازم نقوم به بمجرد وصولنا البيت. لكن للأسف فيه أخطاء بنقع فيها من غير ما ناخد بالنا، بتزود احتمال إصابتنا بالفيروس.

تعاولوا نتعرف على الأخطاء دي، حسب ما نشر "الكونسلتو":

1- عدم غسل الأيد

مهم جدًا نغسل إيدينا بالمياه والصابون أول ما نرجع من برة، وده قبل لمس المشتريات أو الأسطح جوة البيت. لو ماعملناش كده، أي حاجة هنلمسها ممكن ننقل لها الجراثيم. وهيضيع مجهود التعقيم على الفاضي.

 

2- تجاهل تعقيم الأسطح

لازم نعقم أسطح المطبخ كويس قبل تفريغ المشتريات، للتخلص من البكتيريا والفيروسات والجراثيم الموجودة عليها. وده باستخدام مطهر بيحتوي على كحول تركيزه 70%.

 

3- غسل الطعام بالمياه والصابون

غسل الطعام بالمياه والصابون بيسيب عليها مذاق غريب. فالأفضل نسيب الفواكه والخضروات، تحت المياه الجارية لضمان نظافتها.

 

4- عدم غسل شنطة الشراء

في حالة وضع المنتجات في شنط الشراء القماشية، القابلة للتخزين. لازم نغسلها كويس لما نرجع البيت، قبل ما نخزنها.

 

5- المبالغة في التعقيم

[caption id="attachment_150449" align="alignnone" width="1883"] Going to the grocery store? Scientists share their advice about what to worry about and what not to.[/caption]

 

حسب ما ذكرت إدارة الغذاء والدواء الأمريكية، مفيش أي دليل على إن فيروس كورنا بينتشر على البضائع المعلبة والمخزنة. وبالتالي مفيش داعي من القلق الزيادة بخصوص تعقيم المنتجات، يا دوب نطهرها ونسيبها لحد ما تنشف ونخزنها.